Insanity 60 days - Day 1

第一日要做fit test, 8 set 動作, 記低自己做左幾多下... 頭4 set 都跟到, 有D仲多過片入面個學員.... 之後4 set 開始拉車, 1分鐘做半分鐘已收皮 做完大半個鐘, 坐左係度抖大氣+狂噴汗3個字...仲有少少面青青 飲杯水入廁所沖涼, 都系無力, 坐左係屎坑...繼續噴汗... 忽然之間作嘔...但我連轉身嘔落馬桶既力都無....直接嘔曬落地............ 沖完涼, 回返氣, 發覺反而無平時踩完車/跑完步咁累...

NIKE SB BACKPACK

除左顏色, 款式, 功能性, 最近既尾龍骨重組計畫令我發覺一個袋既承托力係好緊要的.
呢個backpack完全合格, 即刻帶返屋企.

一年

不驚不覺原來我已經學左一年詠春. 呢個興趣應該係我除左音樂, 堅持得最耐的了. 原因我估係因為係練既過程裡面, 不斷有一D新野啟發到我, 而呢D啟發, 並不完全建基於體能上, 即係我唔係靠一味狂操體能(過程中我就係因為狂操而搞到自己依家都keep住要幫親地獄推拿師), 就代表我打得越好. 呢門武術中既拳理, 哲學的確有趣.

當然亦都要慶幸認識到很好的師父.

你點揀?

呢個世界總係有一堆人, 睇個樣黎聽歌, 只要你個樣夠靚, 五音不全都大把人鍾意聽你唱歌.
而更大部份的人, 根本吾會理會人聲後面的音樂, 但求吾係清唱就得了, 因為佢地根本都無幾多個清唱係見得人.

新鮮陽光空氣缺乏症

最近既生活好似同太陽疏遠左, 加上品質太差既空氣, 我既情緒好似開始有少少失控.